کرناٹک پولس نےBJP آئی ٹی سیل کے سربراہ امیت مالویہ کے خلاف ایف آئی آر درج کی

کرناٹک پولس نے راہل گاندھی اور کانگریس قائدین کے خلاف "توہین آمیز" پوسٹس شائع کرنے کے سلسلے میں بی جے پی آئی ٹی سیل کے قومی کنوینر امیت مالویہ کے خلاف ایف آئی آر درج کی ہے۔

بنگلورو میں ہائی گراؤنڈ پولیس نے اس کے خلاف آئی پی سی کی دفعہ 153-A، 120-B، 505 (2)، 34 کے تحت مقدمہ درج کیا ہے۔

ریاستی کانگریس لیڈر رمیش بابو نے اس سلسلے میں شکایت درج کرائی تھی۔ یہ شکایت راہول گاندھی کا ایک اینی میٹڈ ویڈیو جاری کرنے اور یہ دعویٰ کرنے پر دائر کی گئی تھی کہ کانگریس ملک مخالف سرگرمیوں میں ملوث ہے۔

شکایت میں الزام لگایا گیا ہے کہ امیت مالویہ نے کہا، ''راہل گاندھی خطرناک



ہیں اور ایک کپٹی کھیل کھیل رہے ہیں۔ امیت مالویہ نے مزید کہا کہ زیادہ خطرناک وہ لوگ ہیں جو کٹر بھارت مخالف، وہ بیرون ملک ہندوستان کو بدنام کرنے میں کوئی کسر نہیں چھوڑتے، صرف عزت مآب وزیر اعظم نریندر مودی جی کو شرمندہ کرنے کے لیے۔

امیت مالویہ نے 17 جون کو اپنے آفیشل اکاؤنٹ سے ایک اینی میٹڈ ویڈیو پوسٹ کیا تھا۔ اس ویڈیو میں یہ دعویٰ کیا گیا ہے کہ "کانگریس پارٹی ملک دشمن سرگرمیوں میں ملوث ہے اور راہل گاندھی جب بھی بیرون ملک جاتے ہیں تو وہ ملک مخالف سرگرمیوں میں ملوث ہوتے ہیں۔ ویڈیو میں یہ بھی دکھایا گیا ہے کہ کانگریس اور راہول گاندھی ملک کو توڑ رہے ہیں،‘‘ آر ڈی پی آر اور آئی ٹی اور بی ٹی وزیر پرینک کھرگے نے وضاحت کی۔