ہندوستان اور امریکہ کی فوجوں کے درمیان مشترکہ مشقیں

نئی دہلی،8فروری (یواین آئی) ہندوستان اور امریکہ کی فوجوں کے درمیان بیکانیر کی مہاجن فیلڈ فائرنگ رینج میں آج سے مشترکہ جنگی مشقیں ہوئیں جس میں دونوں ملکوں کے فوجی ایک دوسرے کے ساتھ میدان جنگ کی مہارت اور اپنے تجربے کا اشتراک کریں گے۔

جنگی مشقوں کی شروعات افتتاحی تقریب کے ساتھ ہوئی جس میں دونوں ملکوں کے قومی پرچم لہرائے گئے اور دونوں ملکوں کی فوجوں نے قومی ترانہ ’جن گن من‘‘ اور ’’اسٹار اسپینگلڈ بینر‘‘ گایا۔

امریکی فوج کا دستہ مشق میں حصہ لینے کےلئے ہفتے کو سورت گڑھ پہنچا تھا جس میں بریگیڈ ہیڈکوارٹر،2 بٹالین 3 انفینٹری



ریجیمنٹ اور اسٹرائکر بریگیڈ کامبیٹ ٹیم کے 270 فوجیوں کا گروپ شامل ہے۔یہ 14 روزہ دو طرفہ جنگی مشق ریگستانی علاقے کے پس منظر میں دہشت گردی مخالف مہم پر مرکوز رہے گا۔

فوج کی 170 انفینٹری بریگیڈ کے کمانڈر برگیڈیئر مکیش بھانوالا نے امریکی دستے کا استقبال کیا۔ انہوں نے مشق کے فوجی مقاصد کو حاصل کرنے کےلئے دونوں دستوں کے فوجیوں سے زیادہ سے زیادہ تال میل اور امتیازی ہینڈلنگ پر زور دینے کی اپیل کی۔ انہوں نے خیالات اور تصورات کے کھلے من سے تبادلے کی اہمیت پر زور دیتے ہئوے فوجیوں کے درمیان سب سے اہم روایات اور ایک دوسرے کے تجربات سے سیکھنے کی ضرورت پر زور دیا۔