جموں وکشمیر میں سارا نظام کرپشن میں غرق ،ریاست میں جنگل راج قائم: نیشنل کانفرنس

سری نگر، 29 دسمبر:- نیشنل کانفرنس کے صوبائی صدر ناصر اسلم وانی نے پی ڈی پی بی جے پی کے تمام دعوؤں کو جھوٹ کا پلندہ قرار دیتے ہوئے کہا ہے کہ گڈ گورننس اور امن کہاں ہے؟ سرحدوں پر کشیدگی ہے جبکہ اندرونِ وادی آئے روز انکاؤنٹر ہورہے ہیں، سرحدی گولی باری سے آر پار لوگ مررہے ہیں جبکہ وادی میں عام لوگوں کے خون بہنے کا سلسلہ تھمنے کا نام نہیں لے رہا ہے، لاقانونیت عام ہے ، ایسا



محسوس ہورہا ہے کہ ریاست میں جنگل راج قائم ہے۔

گڈگورننس کا کہیں نام نشان نہیں، سارا نظام کرپشن میں غرق ہوچکا ہے، بے کاری اور بے روزگاری عروج پر جبکہ کنبہ پروری اور اقرباپروری کو دوام بخشا جارہا ہے۔

ان باتوں کا اظہار انہوں نے جمعرات کو شمالی کشمیر کے بانڈی پورہ میں پارٹی کنونشن سے خطاب کرتے ہوئے کیا۔