جگنیش میوانی کی یوا ہنکار ریلی کی پولیس نے نہیں دی اجازت، جگنیش بضد

نئی دہلی۔ گجرات کے نو منتخب رکن اسمبلی جگنیش میوانی کی نو جنوری کو دلی میں ’ یوا ہنکار ریلی‘ کو لے کر تنازعہ بڑھتا جا رہا ہے۔ دلی پولیس نے جگنیش کو پارلیمنٹ اسٹریٹ پر ریلی کرنے پر روک لگا دی ہے۔ لیکن میوانی ریلی کرنے پر بضد ہیں۔ انہوں نے ریلی کی جگہ تبدیل کر لی ہے۔

اطلاع کے مطابق، جگنیش اب مشرقی دلی کی گیتا کالونی کے امبیڈکر پارک میں



ریلی کرنے والے ہیں۔ ریلی میں شامل ہونے کے لئے جگنیش کے حامی امبیڈکر پارک میں جمع ہونے لگے ہیں۔ اس ہنکار ریلی میں شامل ہونے والے نوجوانوں میں زیادہ تر یوپی، بہار اور گجرات سے ہیں۔

وہیں، ہنکار ریلی کے مدنظر پارلیمنٹ اسٹریٹ اور امبیڈکر پارک دونوں ہی جگہوں پر سیکورٹی کے سخت انظامات کئے گئے ہیں۔ یہاں بھاری تعداد میں پولیس اہلکاروں کی تعیناتی کی گئی ہے۔