جگن موہن ریڈی کا نتائج پر حیرت کا اظہار : ایسی توقع نہیں تھی

امراوتی، 4 جون (ذرائع) آندھرا پردیش کے وزیر اعلیٰ وائی ایس۔ جگن موہن ریڈی نے اسمبلی انتخابات میں اپنی پارٹی وائی ایس آر کانگریس کی شکست پر حیرت کا اظہار کیا۔ ریڈی نے کہا کہ انہیں ایسے نتائج کی امید نہیں تھی۔ انہوں نے حیرت کا اظہار کیا کہ کروڑوں لوگوں کو فائدہ پہنچانے والی کئی فلاحی اسکیموں کو نافذ کرنے کے باوجود وائی



ایس آر کانگریس کو شکست کا منہ دیکھنا پڑا۔ نامہ نگاروں سے بات کرتے ہوئے جگن موہن ریڈی نے مینڈیٹ کو قبول کیا اور عوام بالخصوص غریبوں کے لیے کام جاری رکھنے کا عہد کیا۔ انہوں نے کہا کہ اب بھی ہمارے ساتھ 40 فیصد ووٹرز ہیں۔ ہم ہار چکے ہیں، لیکن واپس آئیں گے۔ جگن نے یہ بھی کہا کہ اپوزیشن میں رہنا وائی ایس آر کانگریس کے لیے کوئی نئی بات نہیں ہے۔