کڑپہ میں جگن موہن ریڈی نے سوپر اسپیشالیٹی اسپتال کا افتتاح کیا۔

ذرائع:

کڑپہ:آندھراپردیش کے چیف منسٹر وائی ایس جگن موہن ریڈی نے کہاکہ کڑپہ کاریمس اسپتال لوگوں کو بہتر علاج فراہم کرنے اورریاست میں ڈاکٹروں کی کمی دور کرنے میں اہم رول اداکررہاہے۔انہوں نے مسرت کااظہار کرتے ہوئے کہاکہ ریمس اسپتال میڈیکل ہب بنتاجارہاہے۔اسی طرح رائلسیما کیلئے یہ ایک اعزازہے۔   

جگن موہن ریڈی نےہفتہ کو کڑپہ ریمس میڈیکل کالج کے احاطے میں جدید انفراسٹرکچر کے ساتھ تعمیر کردہ وائی ایس آر سوپر اسپیشلٹی اسپتال، ڈاکٹروائی ​​ایس آر انسٹی ٹیوٹ آف مینٹل ہیلتھ، ڈاکٹر وائی ایس آر کینسر کیئر سنٹر اور ریمس کے قریب ڈاکٹر وائی ایس راج شیکھر ریڈی کیمپس میں نو تعمیر شدہ ایل وی پرسادآئی اسپتال کی عمارتوں کا علاحدہ علاحدہ افتتاح انجام دیا۔

اس موقع



پر چیف منسٹر کے ہمراہ ضلع انچارج وزیر اڈیمولاپو سریش، ریاست کے نائب وزیر اعلیٰ ایس بی امجد باشاہ، ریاستی وزیر صحت وی رجنی، کڑپہ کے رکن اسمبلی وائی ایس اویناش ریڈی، ریاست کے چیف سکریٹری ایم ٹی کرشنا بابو، اے پی ایم ایس آئی ڈی سی کے ایم ڈی مرلی دھر، ضلع کلکٹر وی وجئے راماراجو، کڑپہ سٹی کے میئر کے سریش بابو، ایم ایل سی رام چندر ریڈی، کملاپورم کے ایم ایل اے پی رویندر ناتھ ریڈی، جے سی گنیش کمار، کڑپہ سٹی کمشنر جی ایس ایس پروین چند موجود تھے۔

اس موقع پر خطاب کرتے ہوئے جگن ہوہن ریڈی نے کہا کہ ریمس اسپتال نہ صرف ضلع کے لوگوں کو بلکہ رائلسیما کی سطح پر بھی بہترین  طبی خدمات فراہم کر رہا ہے۔ انہوں نے کہا کہ یہ ہزاروں لوگوں کو وسیع اور خوشگوار ماحول میں بہتر طبی خدمات فراہم کر رہا ہے۔