عالمی رہنماؤں نے دی مودی کو مبارک باد

نئی دہلی ،23مئی (ایجنسی)مختلف ملک کے رہنماؤں نے لوک سبھا انتخابات 2019کے نتائج کے اعلان سے قبل ہی بھارتیہ جنتاپارٹی (بی جےپی )کی بہترین کارکردگی پر وزیراعظم نریندرمودی کو مبارک باد دی ہے ۔

اسرائیل کے وزیراعظم بنیامن نیتن یاہو نے انتہائی انوکھے انداز میں ہندی میں ٹوئیٹ کرکے مسٹر مودی کو مبارک باد دی ۔انھوں نے کہا،’’میرے دوست نریندرمودی آپکی موثر انتخابی جیت پر دل کی گہرائیوں سے مبارک باد ۔یہ انتخابی نیتجے ایک بار



پھر دنیا کی سب سے بڑی جمہوریت میں آپکی قیادت کو ثابت کرتے ہیں ۔ہم ساتھ ملکر ہندستان اور اسرائیل کے مابین گہری دوستی کو مضبوطی فراہم کرنا جاری رکھیں گے ۔بہت خوب ،میرے دوست ۔‘‘

سری لنکا کے صدر میتری پال سری سینا نے بھی مسٹر مودی کو مبارک باد دی ہے ۔انھوں نے ٹوئیٹ کیا،’’آپکی جیت اور اپکی قیادت میں لوگوں کے دوبارہ اعتماد ظاہر کرنے پر مبارک باد ۔سری لنکا مستقبل میں ہندستان کے ساتھ قریبی اور مثبت رشتے جاری رکھنے کے تئیں پرامیدہے ۔‘‘