ہندوستان ازبکستان باہمی تعاون میں اضافہ کریں گے

نئی دہلی، 11 دسمبر (یو این آئی) ہندوستان اور ازبکستان دہشت گردی کا مضبوطی سے مقابلہ کرنے اور سائنس ، ٹیکنالوجی اور اختراعات اور سرکاری اداروں ، تحقیقی اور تکنیکی اداروں کے مابین تعاون بڑھانے کا آج عزم کا اظہار کیا ہے وزیر اعظم نریندر مودی اور ازبیکستان کے صدر شوکت مرزیوئیف کے درمیان آج ویڈیو کانفرنسنگ کے ذریعے ہونے والے دو طرفہ سربراہ اجلاس میں اس پر اتفاق کیا گیا۔ اس موقع پر ، دونوں ممالک کے مابین شمسی توانائی ، ڈیجیٹل ٹیکنالوجی ، دفاع اور سیکیورٹی ، ڈالر کریڈٹ ، سائبر سیکیورٹی ،



کسٹمز ، مواصلات عامہ کے شعبوں میں نو معاہدوں پر دستخط بھی ہوئے۔

مسٹر مودی نے اجلاس میں اپنے ابتدائی خطاب میں کہا کہ ہمیں انتہا پسندی ، بنیاد پرستی اور علیحدگی پسندی کے بارے میں بھی اسی طرح کے خدشات ہیں۔ ہم دونوں دہشت گردی کے خلاف مضبوطی سے مل کر کھڑے ہیں۔ علاقائی سلامتی کے امور پر بھی ہمارا یکساں نقطہ نظر ہے۔ ہم متفق ہیں کہ افغانستان میں امن کی بحالی کے لئے ایک ایسے عمل کی ضرورت ہے جس کی خود افغانستان کی زیرقیادت ، ملکیت اور کنٹرول ہے۔ پچھلی دو دہائیوں کی کامیابیوں کو بھی محفوظ رکھنا ضروری ہے۔