ہندوستان اور جاپان نے ہند۔بحرالکاہل علاقے کی صورت حال کا جائزہ لیا

نئی دہلی، 30 نومبر (یو این آئی)ہندوستان اور جاپان کے وزرائے خارجہ اور وزرائے دفاع کے ٹو پلس ٹو مذاکرات کی آج یہاں افتتاحی میٹنگ ہوئی۔

وزیراعظم نریندر مودی اور جاپان کے وزیراعظم شنزو آبے کے درمیان گزشتہ برس اکتوبر میں جاپان میں ہوئے 13ویں ہندوستان۔جاپان سالانہ چوٹی کانفرنس میں دوطرفہ سلامتی اور دفاعی تعاون میں مزیداضافہ کے لئے دونوں ممالک کے وزرائے خارجہ اور وزرائے دفاع کے ٹوپلس ٹو دائیلاگ کے سلسلے میں رضامندی کا اظہار کیا گیا تھا۔

مذاکرات سے پہلے جاپانی اعلی وفد نے وزیراعظم نریندرمودی سے ملاقات کی۔

ابتدائی مذاکرات کی وزیر دفاع راج ناتھ سنگھ اور وزیر خارجہ ایس



جے شنکر نے ہندوستانی اعلی وفد کی قیادت کی جبکہ جاپانی وفد کی قیادت وہاں کےو زیرخارجہ ٹی موٹیگے اور وزیر دفاع تارو کونو نے کیا۔ ٹو پلس ٹو ڈائیلاگ کا مقصد دونوں ممالک کو خصوصی اسٹریٹیجک اور عالمی شراکت داری کو اور مستحکم کرنے اور دفاعی اور سلامتی کے شعبوں میں تعاون میں مزید اضافہ کرنے کے لئے اسٹیج مہیا کرانا ہے۔

افتتاحی میٹنگ میں دونوں فریقوں نے ہند۔بحرالکاہل علاقے کی صورت حال کا جائزہ لیا۔ ہندوستان کی’ایکٹ ایسٹ پالیسی‘اور جاپان کی ’فری اینڈ اوپن انڈو پیسیفک ویژن‘ کے تحت علاقے میں امن قائم رکھنے اور دونوں ممالک کے لوگوں کو بہتر مستقبل، ترقی اور خوشحالی کے بارے میں بات چیت کی گئی۔