ہندوستانیت کے تئیں جاپانیوں کی محبت دیکھ کر متاثر ہوں: مودی

نئی دہلی، 29 مئی (یو این آئی) وزیر اعظم نریندر مودی نے کہا ہے کہ حالیہ دورہ جاپان کے دوران انہوں نے وہاں کے لوگوں میں ہندوستان کے تئیں جو محبت دیکھی ہے اس سے وہ بہت متاثر ہیں۔

مسٹر مودی نے آل انڈیا ریڈیو سے ٹیلی کاسٹ اپنے پروگرام میں اتوار کو کہا کہ اپنے حالیہ دورہ جاپان کے دوران مختلف پروگراموں میں انہیں بہت سے لوگوں سے ملنے کا موقع ملا جہاں انہیں مختلف تجربات ہوئے ہیں۔ اس دوران انہوں نے کچھ لوگوں میں ہندوستان سے بے پناہ لگاو اور محبت دیکھی ہے جس کی وجہ سے وہ بہت متاثرہیں۔

انہوں نے کہا کہ "ہیروشی کوئیک ایک معروف آرٹ ڈائریکٹر ہیں، انہوں نے مہابھارت پروجیکٹ کی شروعات کمبوڈیا میں کی تھی اور پچھلے نو برسوں سے یہ مسلسل جاری ہے۔



ہیروشی کوئیک ہرسال ایشیا کے کسی ملک کا سفر کرتے ہیں اور وہاں مقامی فنکاروں اور موسیقاروں کے ساتھ مہابھارت کے کچھ حصے پیش کرتے ہیں۔ اس پروجیکٹ کے ذریعے انہوں نے ہندوستان، انڈونیشیا کمبوڈیا سمیت نو ممالک میں پرفارم کر چکے ہیں اور اسٹیج پر پرفارم کیاہے۔ ہیروشی ان فنکاروں کو ساتھ لاتے ہیں، جن کا کلاسیکی اور روایتی ایشیائی آرٹ کا پس منظررہاہے۔ اس وجہ سے ان کے کام میں مختلف رنگ نظر آتے ہیں۔

انہوں نے کہا کہ انڈونیشیا، تھائی لینڈ، ملیشیا اور جاپان کے فنکار جاوا ڈانس، بالینی ڈانس، تھائی ڈانس کے ذریعے اسے مزید دلکش بنادیتے ہیں۔ خاص بات یہ ہے کہ اس میں ہر پیش کنندہ اپنی ہی مادری زبان میں بات کرتا ہے اور پھر بہت ہی خوبصورتی سے اس تنوع کو دکھایاجاتا ہے۔