حکومت بنتی ہے تو ایک لاکھ تک کا علاج مفت: پرینکا گاندھی

لکھنؤ ، 25 اکتوبر (یو این آئی) کانگریس کی جنرل سکریٹری پرینکا گاندھی واڈرا نے کہا ہے کہ اگر ان کی پارٹی کی حکومت اتر پردیش میں اقتدار میں آتی ہے تو عوام کو کسی بھی بیماری کے لیے 10 لاکھ روپے تک مفت علاج کی سہولت دی جائے گی کانگریس کی ریاستی انچارج پرینکا گاندھی واڈرا جو 'ہم وچن نبھائیں گے' کی ٹیگ لائن کے ساتھ ریاست میں ’پرتگیہ یاترائیں‘ کر رہی ہیں، نے پیر کو ٹویٹ کیا۔ پہلے سے کیے گئے وعدوں کو شامل کرتے ہوئے انہوں نے کہا کہ "کورونا کی مدت کے دوران اور اب ریاست میں بخار ریاستی حکومت کی ناہلی کے سبب پھیل رہاہے، اور اس کے سسٹم کو ہر کسی نے دیکھا ہے۔سستے اور اچھے علاج کے لیے منشور کمیٹی



کی رضامندی سے یوپی کانگریس نے فیصلہ کیا ہے کہ حکومت بننے پر ’کوئی بھی بیماری ہونے پر مفت 10 لاکھ تک کا سرکاری علاج ہوگا‘‘۔

یہ بات قابل ذکر ہے کہ گذشتہ ہفتہ پرینکا گاندھی نے بارہ بنکی سے تین 'پرتگیہ یاترا' کو جھنڈی دکھائی تھی۔ اس موقع پرانہوں نے خواتین کو ٹکٹوں میں 40 فیصد حصہ ، لڑکیوں کو اسمارٹ فون اور الیکٹرانک اسکوٹی ، کسانوں کے مکمل قرض معافی ، گندم کی کم از کم سپورٹ پرائس ، دھان 2500 روپے ، بجلی کا بل سب کا نصف ، کورونا کے واجبات صاف، ہر خاندان کو کورونادورمیں ہونے والے نقصان کے بدلے 25 ہزار کی امداد، 20 لاکھ نوجوانوں کو سرکاری ملازمت اور کنٹریکٹ ورکرز کو ریگولر کرنے کا وعدہ کیا تھا۔