میں ان سے معافی کبھی نہیں مانگونگا :راہل

نئی دہلی ،13دسمبر(یواین آئی)کانگریس کے سابق صدر راہل گاندھی نے کہا ہے کہ یہ سچائی ہے کہ بھارتیہ جنتاپارٹی ملک کی جن ریاستوں میں اقتدارمیں ہے وہاں خواتین کے ساتھ جنسی زیادتی کے واقعات مسلسل پیش آرہے ہیں اور انھوں نے اپنے بیان میں اسی حقیقت کو سامنے رکھاہے اس لیے وہ معافی نہیں مانگیں گے ۔

مسٹر گاندھی نے جمعہ کو پارلیمنٹ کے احاطہ میں صحافیوں سے کہاکہ انھوں نے ملک کے سامنے حقیقت پیش کی ہے اور اس کوبیان کیاہے ۔خود وزیراعظم



مودی ملک کی راجدھانی دہلی کو ’ریپ کیپیٹل ‘کہہ چکے ہیں ۔انھوں نے کہا،’’ میں ان سے معافی کبھی نہیں مانگنے والاہوں ۔‘‘

انھوں نے کہا،’’ مسٹر مودی نے کہاتھا کہ میک ان انڈیا ہوگا ۔ہم نے سوچا کہ اخباروں میں میک ان انڈیا ،میک ان انڈیا ،میک ان انڈیا دکھائی دیگا ،مگر آج جب ہم اخبار کھولتے ہیں ،ہمیں سب جگہ ریپ ان انڈیا دکھائی دیتاہے ۔کوئی بھی اسٹیٹ نہیں ہے ،جہاں بی جے پی کی حکمرانی ہو اور وہاں خواتین کے ساتھ عصمت دری نہ ہورہی ہو۔‘‘