نندی گرام سے میرا تعلق ہے کوئی بھی اس کو ختم نہیں کرسکتا :ممتا بنرجی

سونا چورا (نندی گرام) ، 30 مارچ (یواین آئی) مغربی بنگال کی وزیر اعلی اور ترنمول کانگریس کی سپریمو ممتا بنرجی نے منگل کو کہا کہ نندی گرام سے ان کا تعلق ہے اور وہ نندی گرام سے ہی ہیں انہوں نے کہاکہ جو لوگ یہ کہہ رہے ہیں کہ میں باہری ہوں ان کو معلوم ہونا چاہیے کہ میں یہاں کی وزیر اعلی ہوں اور نندی گرام کے عوام کے لئے میرا دل بستا ہے۔-

انتخابی مہم کے آخری دن جلسہ عام سے خطاب کرتے ہوئے بنرجی نے کہا کہ اگر میں نندی گرام میں داخل ہوتی ہوں ، تو مجھے کوئی بھی نندی گرام سے نکال نہیں سکتا ہے-

ترنمول کانگریس کی سپریمو نے



کہا کہ میں بھی کسی دوسری سیٹ سے انتخاب لڑ سکتی تھی، لیکن میں نے یہاں کی ماؤں اور بہنوں کی تعظیم کے لئے نندیگرام کا انتخاب کیا ہے- میں نے نندیگرام تحریک کو سلام پیش کرنے کے لئے سنگور کی بجائے نندیگرام کا انتخاب کیاہے-

ممتابنرجی نے کہا کہ "بھارتیہ جنتا پارٹی کو سیاسی طور پر دفن کردیں اور انہیں نندیگرام سے دور کردیں۔ یہ ہارٹی لوگوں کی زمین چھیننے والی پارٹی ہے-

ممتا بنرجی نے الزام عاید کیا کہ بی جے پی کی زیر اقتدار ریاستوں کی پولس فورسیس نندی گرام کے شہریوں کو خوف زدہ کررہی ہے.انہوں نے کہاکہ پولس کے لئے کام کررہی ہے-