حیدرآباد: RTC بس میں خاتون نے دیا بچے کو جنم

حیدرآباد میں ایک خاتون نے آر ٹی سی کی سٹی بس میں ایک بچہ کو جنم دیا۔ یہ

 واقعہ جمعہ کو بہادر پورہ میں پیش آیا۔جہاں شیوتا رتنم نامی ایک حاملہ جمعہ کی صبح مشیر آباد ڈپو کی  1Z روٹ کی بس میں سوار ہوئی۔ بہادر پورہ پہنچتے ہی اس کے پیٹ میں درد بڑھ گیا۔

کنڈکٹر آر سروجا، جس  نے یہ دیکھا، فوری چوکس ہوگئی  اور خاتون مسافروں کی مدد سے حاملہ مسافر کی بس کے اندر ہی ڈیلیوری کروائی ۔جس نے ایک لڑکی کو جنم دیا۔ بعد ازاں اسے بہتر



علاج کے لیے قریبی سرکاری میٹرنٹی ہاسپٹل منتقل کیا گیا۔ فی الحال ماں اور بچہ بالکل ٹھیک ہیں۔آر ٹی سی کے مینجنگ ڈائریکٹر  وی سی سجنار، نے خواتین مسافروں  بشمول کنڈکٹر سروجا کو مبارکباد دی جنہوں نے بس میں ڈیلیوری کے انتظامات کئے  اور انسانیت کا مظاہرہ کیا۔ وزیر ٹرانسپورٹ پونم پربھاکر نے بھی اس واقعہ پر مسرت کا اظہار کیا اور کہا کہ بروقت ردعمل کی وجہ سے ماں اور بچہ محفوظ ہیں۔ انہوں نے کہا کہ یہ قابل ستائش ہے کہ آر ٹی سی عملہ مسافروں کو بحفاظت ان کی منزلوں تک پہنچاتے ہوئے خدمت کے جذبے کا مظاہرہ کر رہا ہے۔