حسینہ کا راشٹرپتی بھون میں استقبال

محترمہ حسینہ وزیر اعظم نریندر مودی کی مسلسل تیسری مدت کار کے لئے حلف لینے کے بعد سر کاری دورے پر آنے والی پہلی مہمان ہیں۔

محترمہ حسینہ نے بعد میں راج گھاٹ پہنچ کر مہاتما گاندھی کو ان کی سمادھی پر پھول چڑھا کر خراج عقیدت پیش کیا۔

دو ہفتوں سے بھی کم وقت میں ہندوستان اور بنگلہ دیش کے وزرائے اعظم کے درمیان یہ دوسری ملاقات ہے۔ محترمہ حسینہ نے 9 جون کو



مسٹر مودی کی تقریب حلف برداری میں شرکت کی تھی۔ وہ اپنے ملک میں 7 جنوری کو ہونے والے انتخابات کے بعد مسلسل چوتھی بار اقتدار میں آئی ہیں۔

ہندوستان اور بنگلہ دیش کے درمیان آج وفود کی سطح کی میٹنگ میں کئی مفاہمت ناموں پر دستخط کئے جائیں گے۔ اس سے پہلے مسٹر مودی اور محترمہ حسینہ آمنے سامنے بات چیت کریں گے۔ تجارتی اور اقتصادی تعاون، سیکورٹی اور بارڈر مینجمنٹ، کنیکٹیویٹی اور انفراسٹرکچر، پانی کی تقسیم اور ماحولیاتی مسائل اور ثقافتی اور لوگوں کے درمیان باہمی تعلقات مذاکرات کے ایجنڈے میں شامل ہیں۔