ڈاکٹروں، پیرامیڈک عملہ کی حفاظت کے لئے حکومت سخت آرڈی ننس لائے گی

نئی دہلی، 22اپریل (یو این آئی) کووڈ19کی عالمی وبا سے نپٹنے کے لئے ملک گیر مہم میں ڈاکٹروں اور پیرامیڈک عملہ پر حملوں کے بڑھ رہے واقعات پر روک لگانے کے لئے حکومت نے ایک سخت آرڈی ننس لانے کا فیصلہ کیا ہے جس کے تحت قصورواروں کو سات برس تک کی قید اور سات لاکھ روپے تک کے جرمانہ کی سزا کا التزام ہوگا۔

وزیراعظم نریندر مودی کی



صدارت میں آج یہاں ہوئی کابینہ کی میٹنگ میں یہ فیصلہ کیا گیا۔

میٹنگ کے بعد اطلاعات و نشریات کے وزیر پرکاش جاوڈیکر نے یہاں پریس کانفرنس میں یہ اطلاع دی۔ انہوں نے بتایا کہ حکومت وبائی بیماری سے متعلق ایکٹ 1897میں ترمیم کے لئے ایک آرڈی ننس لائے گی جس میں ڈاکٹروں اور طبی عملہ پر پرتشدد حملے کو سنگین اور غیرضمانتی جرم بنایا جائے گا۔