پندرہویں مالیاتی کمیشن کی مدت کار میں ایک ماہ کی توسیع

نئی دہلی‘ 17جولائی (ایجنسی) حکومت نے پندرہویں مالیاتی کمیشن کی مدت کار ایک ماہ توسیع کرکے 30نومبر تک کرنے کے ساتھ ہی اس کے دائرے میں دفاع اور داخلی سلامتی کو بھی شامل کردیا ہے۔

وزیراعظم نریندر مودی کی صدارت میں آج یہاں ہوئی کابینہ کی میٹنگ میں یہ فیصلے لئے گئے۔ اطلاعات ونشریات کے وزیر پرکاش جاوڈیکر نے نامہ نگاروں کو یہ اطلاع دیتے ہوئے کہا کہ مالیاتی کمیشن کی



مدت کار بڑھا کر30نومبر 2019کردی گئی ہے۔

کمیشن کی مدت کار پہلے 30اکتوبر 2019مقرر کی گئی تھی۔ کمیشن کا قیام 27نومبر 2017کو عمل میں آیا تھا اور اسے سال 2020سے پانچ برسوں کے لئے سفارش پیش کرنے کے لئے کہا گیا تھا۔

کمیشن کو اپنی رپورٹ میں یہ بتانے کے لئے کہا گیا ہے کہ کیا دفاع اور داخلی سلامتی کے لئے الگ سے فنڈ قائم کرنے کی ضرورت ہے اور اگر ایسا ہے تو اس کے لئے کیا نظم کیا جانا چاہئے۔