گورکھپور حادثہ: بی ایس پی چیف مایاوتی کا وار، بولیں-قصورواروں پر سخت کارروائی کرے حکومت

لکھنؤ / نئی دہلی: مبینہ طور پر آکسیجن کی کمی کی وجہ سے یوپی کے گورکھپور میں ہوئی بچوں کی اموات پر بی ایس پی چیف مایاوتی نے کہا ہے کہ معصوموں کی موت کے لئے یوپی حکومت ذمہ دار ہے. انہوں نے کہا کہ معصوموں کے اہل خانہ کو انصاف دلوانے کے لئے ہم آگے آئے ہیں. مایاوتی نے قصورواروں پر سخت کارروائی کا مطالبہ کیا.

وہیں، کانگریس لیڈر آر پی این سنگھ نے کہا ہے کہ یہ واقعہ یوپی حکومت کی لاپرواہی سے ہوئی ہے. انہوں نے کہا کہ یہ سرکاری میڈیکل کالج ہے اور حکومت کو آکسیجن کی سپلائی کے لئے مناسب پیسے دینے چاہئے تھے.

style="text-align: right;">

اتر پردیش کے گورکھپور میں 5 دنوں میں 60 بچوں کی اموات کے معاملے سے پورا ملک سہما ہوا ہے. مبینہ طور پر آکسیجن کی سپلائی میں کمی اس کی وجہ بتائی جا رہی ہے لیکن حکومت اس بات سے انکار کر رہی ہے. ہسپتال میں آکسیجن سلینڈر سپلائی کرنے والی کمپنی پشپا سیلز کے مالک منیش بھنڈاری کے گھر پر چھاپہ مارا گیا ہے. وزیر اعلی یوگی آدتیہ ناتھ نے کہا ہے کہ اس پورے معاملے میں تحقیقات کا حکم دے دیا گیا ہے. انہوں نے وعدہ کیا کہ قصورواروں کے خلاف سخت کارروائی کی جائے گی. انہوں نے دو وزیر سمیت  ہیلتھ منسٹر سدھارتھ ناتھ سنگھ  کو موقع پر بھیجا.