تلنگانہ میں خواتین کیلئے مفت بس سفر اسکیم کامیاب،اب تک 6 کروڑ 60 لاکھ خواتین سفر کر چکی ہیں:آرٹی سی ایم ڈی سجنار

ذرائع:

حیدرآباد:ٹی ایس آر ٹی سی کے مینیجنگ ڈائرکٹرسجنار نے کہا کہ ریاستی حکومت کی جانب سے روبہ مہالکشمی اسکیم کو بہتررد عمل حاصل ہورہا ہے۔ انہوں نے کہا کہ ریاست میں اب تک 6 کروڑ 60 لاکھ خواتین مفت بس سفر اسکیم کے تحت سفر کر چکی ہیں۔ انہوں نے اس سلسلےمیں ادارے کے عہدیداروں اور ورکروں کی محنت کو سراہا۔ پیر کے روز سجنار نے حیدرآباد کے مہاتماگاندھی بس اسٹیشن میں مسافروں کے ساتھ نئے سال کا کیک کاٹا۔ بعد میں انہوں نے بنگلورو اور کوداڑکی بسوں میں سوار ہوکر مسافروں سے بات چیت کی۔اورمسافروں سے گذارش کی کہ وہ گذشتہ سال کی طرح جاریہ سال بھی آر ٹی سی کی سرپرستی کریں۔

مینیجنگ ڈائرکٹر نے کہا کہ ریاستی وزیر ٹرانسپورٹ پونم پربھاکر نے اسکیم کی موثرعمل آوری پر مبارکباد دی ہے اور حکومت کی جانب سے ہر طرح سے مدد فراہم کرنے کا



یقین دلایا ہے۔ انہوں نے مشورہ دیا کہ آرٹی سی ورکروں کے زیر التواء پی آر سی اور ڈی اے کے واجبات ادا کردیئے جائیں گے اور پریشان ہونے کی ضرورت نہیں ہے۔ انہوں نے کہا کہ نئی بسیں مرحلہ وار دستیاب کرائی جا رہی ہیں۔ انہوں نے کئی سالوں سے آر ٹی سی بسوں میں سفر کرنے والے مسافروں کو اعزاز سے نوازا۔اس موقع پرسی او او رویندر، ای ڈی اوز، آرایم کے علاوہ دیگرعہدیدار موجود تھے۔

بعدمیں سجنارنے کارخانہ جنک پوری کالونی سکندرآباد میں واقع آر کے مدر ٹریسا فاؤنڈیشن اولڈ ایج ہوم گئے اور 45 بزرگوں کے ساتھ کیک کاٹا۔اس موقع پرپھل اور کھانے کی اشیاء تقسیم کیں گئیں۔ایم ڈی سجنار نے والدین کوکبھی نظرانداز نہ کرنے کی بچوں سے اپیل کی۔

انہوں نےمدر ٹریسا فاؤنڈیشن کے بانی رام کرشنا کا شکریہ ادا کیا جوکہ بے گھر بزرگوں کو مفت رہائش اور طبی دیکھ بھال فراہم کر رہے ہیں۔