گجرات کے سابق وزیراعلی مادھو سنگھ سولنکی کا انتقال

گاندھی نگر،9 جنوری ( یواین آئی) گجرات کے سابق وزیر اعلی ، سابق مرکزی وزیر اور کانگریس کے تجربہ کار لیڈر مادھو سنگھ سولنکی کا آج یہاں انتقال ہوگیا۔ وہ 94 سال کے تھے۔

چار بار گجرات کے وزیر اعلی کے علاوہ سولنکی مرکز میں وزیر بھی رہ چکے تھے ، سابق ریاستی کانگریس صدر بھرت سنگھ سولنکی کے والد تھے۔

کانگریس نے ان کے چیف منسٹر شپ کے دوران 182 رکنی ریاستی اسمبلی میں 149 نشستیں



جیتنے کا ریکارڈ قائم کیا تھا ، جو آج تک ریاست میں کسی بھی پارٹی کی سب سے زیادہ سیٹیں جیتنے کا ریکارڈ ہے۔ مسٹر سولنکی کا آج صبح یہاں اپنی رہائش گاہ پر انتقال ہوگیا۔

وزیر اعظم نریندر مودی ، کانگریس کے رہنما راہل گاندھی ، ریاست کے وزیر اعلی وجے روپانی سمیت متعدد شخصیات نے ان کی موت پر تعزیت اظہار کیا ہے۔

سولنکی کے انتقال پر گجرات حکومت نے ایک روزہ ریاستی سوگ کا اعلان کیا ہے۔