سابق کرکٹر یوسف پٹھان ترنمول کانگریس میں شامل، لوک سبھا انتخابات میں کرینگے ادھیر رنجن سے مقابلہ

کولکتہ: ترنمول کانگریس کی سربراہ اور مغربی بنگال کی وزیر اعلیٰ ممتا بنرجی نے اپنی پارٹی کے ایم پی امیدواروں کا اعلان کر دیا ہے۔ انہوں نے تمام 42 لوک سبھا سیٹوں کے لیے اپنے امیدواروں کا اعلان کیا۔ انہوں نے کہا کہ ٹیم انڈیا کے سابق کرکٹر یوسف پٹھان لوک سبھا الیکشن لڑ رہے ہیں۔ ممتا نے کہا کہ یوسف پٹھان بہرام پور حلقہ سے الیکشن لڑیں گے۔

یوسف پٹھان نے آج ممتا بنرجی کی موجودگی میں ترنمول کانگریس پارٹی میں شمولیت اختیار



کی۔ پٹھان کولکتہ کے بریگیڈ پریڈ گراؤنڈ میں منعقدہ میگا ریلی میں ترنمول کانگریس پارٹی کا اسکارف پہنے ہوئے تھے۔ ممتا نے اس پلیٹ فارم سے ایم پی امیدواروں کا اعلان کیا۔

کانگریس کے رکن پارلیمنٹ ادھیر رنجن چودھری فی الحال لوک سبھا میں بہرام پور حلقہ کی نمائندگی کر رہے ہیں۔ کانگریس پارٹی نے ابھی تک بنگال میں امیدواروں کا اعلان نہیں کیا ہے۔ بتایا جاتا ہے کہ ادھیر رنجن چودھری جو پانچ بار رکن اسمبلی منتخب ہو چکے ہیں، اس بار بھی اسی حلقے سے الیکشن لڑنے کا ارادہ رکھتے ہیں۔