آندھرا کے سابق وزیر اعلیٰ این ٹی آر کی بیٹی گھر میں مردہ پائی گئی

حیدرآباد، 1 اگسٹ (ذرائع) تیلگو دیشم پارٹی کے بانی اور آندھرا پردیش کے سابق وزیر اعلیٰ این ٹی راما راؤ کی بیٹی اوما مہیشوری حیدرآباد کے جوبلی ہلز میں اپنے گھر میں مردہ پائی گئی- 

پولیس نے کہا کہ ایسا لگتا ہے کہ ان کی موت خودکشی سے ہوئی ہے۔ حیدرآباد پولیس کمشنر سی وی آنند نے کہا کہ کوئی خودکشی نوٹ نہیں ملا ہے۔ پولیس نے بتایا کہ مقدمہ درج کر لیا گیا



ہے اور مزید تفتیش جاری ہے۔

اوما مہیشوری این ٹی راما راؤ کے 12 بچوں میں سب سے چھوٹی تھیں۔

سابق مرکزی وزیر اور بی جے پی لیڈر دگوبتی پورندیشوری اور ٹی ڈی پی کے صدر اور سابق چیف منسٹر این چندرا بابو نائیڈو کی بیوی نارا بھونیشوری ان کی بہنیں ہیں۔

پولیس نے بتایا کہ چندرا بابو نائیڈو، ان کے بیٹے نارا لوکیش اور خاندان کے دیگر افراد اوما مہیشوری کے گھر پر ہیں۔