آندھراپردیش اسمبلی انتخاب کے تحت ٹی ڈی پی ،جناسینا اتحاد کی پہلی فہرست جاری

ذرائع:

اونڈاوللی:ْآندھرا پردیش اسمبلی انتخابات کے تحت ریاست میں سیاسی سرگرمیاں عروج پرہیں۔ٹی ڈی پی اور جناسینا اتحاد کے مشترکہ امیدواروں کی پہلی فہرست جاری کر دی گئی ہے۔تلگودیشم پارٹی سربراہ چندرابابونائیڈو اور جناسینا کے سربراہ پون کلیان نے یہ فہرست جاری کی۔ ہفتہ کو اونڈاوللی میں چندرابابونائیڈو کی رہائش گاہ پر میڈیا سے بات کرتے ہوئے دونوں لیڈروں نے کہا کہ پہلی فہرست طویل بات چیت کے بعد تیار کی گئی ہے۔

چندرا بابو نے کہا کہ ٹی ڈی پی اور جنا سینا کا اتحاد آنے والی نسلوں کے لئے ہے۔ چندرا بابو نے کہا کہ جناسینا 24 اسمبلی سیٹوں اور 3 ایم پی سیٹوں پر الیکشن لڑے گی۔ ٹی ڈی پی پہلے مرحلے میں 94 سیٹوں پر الیکشن لڑے گی۔

ٹی ڈی پی اور جناسینا پرمشتمل 118 سیٹوں کے ساتھ پہلی فہرست جاری کر دی گئی ہے۔ چندرا بابو نے پہلی فہرست میں ٹی ڈی پی کے 94 امیدواروں کا اعلان کیا ہے۔ انہوں نے کہا کہ باقی



امیدواروں کا اعلان جلد کر دیا جائے گا۔واضح رہے کہ 175 سیٹوں میں سے 24 سیٹیں جنا سینا کو اتحاد کے تحت دی گئی ہیں۔ جنا سینا کے سربراہ پون کلیان نے اتحاد کے تحت انہیں الاٹ کی گئی 24 سیٹوں میں سے 5 سیٹوں کے لئے امیدواروں کا اعلان کیا ہے۔ باقی نشستوں کے لئے امیدواروں کا اعلان جلد کر دیا جائے گا۔

کوڈومور- بوگولادستگیری۔

رائےدرگم-کالوا سرینواس

ارواکنڈا - پی کیشو

تاڑپتری- جے سی اشمیت ریڈی

سنگن ملا (ایس سی) - -بنڈارو شروانی شری

کلیان درگم - اے سریندر بابو

راپتاڑ - پریٹالہ سنیتا

مڑک سیرا (ایس سی) - ایم ای سنیل کمار

ہندو پور- ننداموری بال کرشنا

پینوکنڈا - سویتا

تمبلاپلی - جے چندر ریڈی

پیلیر -این کشور کمار ریڈی

نگری -جی بھانو پرکاش

گنگادھرا نیلور- ڈاکٹر وی ایم تھامس

چتور - گرجالا جگن موہن

پلم نیر- این امرناتھ ریڈی

کپم- نارا چندرابابو نائیڈو