مشہور ریڈیو اناؤنسر امین سیانی کا91برس میں انتقال

ذرقئع:

ممبئی:انڈین ریڈیو کے گرینڈ اولڈ مین سے مشہورامین سیانی کا انتقال ہوگیاہے۔ ان کی عمر 91 برس تھی۔ یہ اطلاع ان کے بیٹے راجل سیانی نے دی ہے۔ انہوں نے بتایا کہ ان کے والد کو ایچ این ریلائنس اسپتال لے جایا گیا، لیکن وہ بچ نہیں سکے۔ امین سیانی چہارشنبہ کو دل کا دورہ پڑنے سے انتقال کر گئے۔ انہیں جمعرات کو سپرد لحد کیاجائےگا۔ امین سیانی ہندوستان کے مقبول اناؤنسر رہے ہیں۔ انہیں بناکا گیت مالا سے مقبولیت ملی۔ یہ پروگرام ریڈیو سیلون پر آتا تھا۔ ان کا بہن بھائی کہنے کا انداز کافی مشہور تھا۔ انہوں نے ریڈیو پر تقریباً 54ہزار پروگرام تیار کئے اور مرتب کئے۔

امین سیانی کے بیٹے راجل سیانی نے ان کے انتقال کی خبر کی تصدیق کرتے ہوئے



کہا کہ امین سیانی کو منگل کی شب دل کا دورہ پڑا تھا۔ اس کے بعد انہیں ممبئی کے ایچ این ریلائنس اسپتال لے جایا گیا۔ جہاں انہوں نے آخری سانس لی۔

امین سیانی 21 دسمبر 1932 کو ممبئی میں پیدا ہوئے۔ امین سیانی کو ان کے بھائی حامد سیانی آل انڈیا ریڈیو پر لائے تھے۔ دس سال تک انگریزی پروگرام کیا۔ کہا جاتا ہے کہ آل انڈیا ریڈیو کو مقبول بنانے میں انہوں نے خصوصی تعاون کیا ہے۔ یہی نہیں، امین سیانی بھوت بنگلہ، تین دیویاں، باکسر اور کٹلا جیسی فلموں میں بھی نظر آ چکے ہیں۔

بناکا گیت مالا کی شروعات 1952 میں ہوئی تھی۔ پہلے یہ پروگرام ریڈیو سیلون پر آتا تھا اور اس کے بعد وِدھ بھارتی پر شروع ہوا۔ بناکا گیت مالا کا نام بعد میں سیباکا گیت مالا پڑ گیا۔ اس پروگرام کو 42 سال ہو گئے۔