مشہور غزل گلوکار پنکج ادھاس کادیہانت،موسیقی اور فلمی حلقوں میں رنج وغم کی لہر

ذرائع:

ممبئی:مشہور غزل گلوکار پنکج ادھاس پیر کو ممبئی میں72 سال کی عمر میں انتقال کر گئے۔ وہ کافی عرصے سے بیمار تھے۔ ادھاس کے اہل خانہ نے ٹویٹ کرکے ان کے انتقال کی اطلاع دی۔ ایک بیان میں، انہوں نے کہاکہ بہت بھاری دل کے ساتھ، ہم آپ کو پدم شری پنکج ادھاس کے 26 فروری 2024 کو طویل علالت کے باعث المناک انتقال کے بارے میں بتاتے ہوئے دکھی ہیں۔یہ



خبر بہت سے لوگوں کے لیے چونکانے والی ہے۔اودھاس کے انتقال سے موسیقی اورفلمی حلقوں میں رنج وغم کی لہردیکھی جارہی ہے۔گلوکار سونو نگم ان کی موت پر سب سے پہلے ردعمل ظاہر کرنے والوں میں شامل تھے۔ سونو نے اپنے انسٹاگرام اکاؤنٹ پر لکھا، ’’میرے بچپن کا سب سے اہم حصہ آج کھو گیا ہے۔ مسٹر پنکج ادھاس جی، میں آپ کو ہمیشہ یاد رکھوں گا۔ میرا دل روتا ہے جان کر کہ تم نہیں رہے۔ زندگی کا حصہ بننے کے لیے آپ کا شکریہ۔