معروف کرکٹر امباٹی تروپتی رائیڈو وائی ایس آر کانگریس پارٹی میں شامل،جگن موہن ریڈی نے کیاخیرمقدم

ذرائع:

تاڑےپلی:چیف منسٹر وائی ایس جگن موہن ریڈی کی موجودگی میں معروف کرکٹر امباٹی تروپتی رائیڈونے جمعرات کو وائی ایس آر کانگریس پارٹی میں شمولیت اختیارکرلی۔تاڑے پلی کیمپ آفس میں جگن موہن ریڈی نے رومال اوڑھا کرامباٹی تروپتی رائیڈوکاپارٹی میں خیرمقدم کیا۔اس موقع پر ڈپٹی چیف منسٹر نارائنا سوامی اور رکن پارلیمنٹ پدی ریڈی متھن ریڈی موجود تھے۔

بعد میں کرکٹر امباٹی رائیڈو نے بتایا کہ انہوں نے سیاست میں اپنی دوسری اننگز شروع کی ہے۔



انہوں نے کہا کہ انہیں سی ایم جگن کی موجودگی میں وائی ایس آر سی پی میں شامل ہونے پر خوشی ہے۔

امباٹی رائیڈو نے کہا کہ وہ اپنے علاقے کے لوگوں کی فلاح و بہبود کے لئے کام کریں گے۔ انہوں نےاستفسار کیا کہ چندرا بابو اور پون کلیان نے سابق میں فلاحی اسکیموں کو لے کر کئی الزامات لگائے تھے، اب وہ کیسے کہہ سکتے ہیں کہ وہ اس سے زیادہ دیں گے۔ لوگ سب کچھ دیکھ رہے ہیں۔واضح رہے کہ امباٹی رائیڈو جو پچھلے کچھ سالوں سے اضلاع کا دورہ کر رہے ہیں، طلباء اور نوجوانوں سے بات چیت کر رہے ہیں۔