گجرات میں شرد گروپ کا انتخابی نشان ’آٹورکشہ

نئی دہلی،18نومبر:- جنتادل (یو) کے باغی لیڈر شرد یادو نے آج کہا کہ گجرات اسمبلی انتخابات میں ان کاگروپ کانگریس کے ساتھ مل کر ’آٹورکشہ‘ کے انتخابی نشان پر الیکشن لڑے گا۔

مسٹر یادو نے یہاں پریس کانفرنس میں کہا کہ کانگریس کے ساتھ مل کر



الیکشن لڑنے کے سلسلے میں دونوں فریقوں کے درمیان بات چیت پوری ہوچکی ہے اور اس سلسلے میں رسمی اعلان کانگریس کی جانب سے کیا جائے گا۔

ان سے جب یہ پوچھا گیا کہ وہ گجرات میں کتنی سیٹوں پر الیکشن لڑیں گے تو انہوں نے کہا کہ اس کا اعلان بھی کانگریس لیڈر ہی کریں گے۔