الیکشن کمیشن کے اہلکاروں نے KCR کی انتخابی مہم کی گاڑی کی تلاشی لی

حیدرآباد 5 نومبر ( آئی اے این ایس ) الیکشن کمیشن کے عہدیداروں نے اتوار کو لگژری بس کی جانچ کی جسے تلنگانہ کے چیف منسٹر کے چندر شیکھر راؤ انتخابی مہم کے لئے استعمال کررہے ہیں۔

الیکشن کمیشن کے عہدیداروں نے پولس کی مدد سے ’پرگتی رتھم‘ نامی بس کی مکمل جانچ کی جب کے سی آر ایک انتخابی ریلی سے خطاب کرنے کے لیے کوتا گوڈیم جارہے تھے۔

پولیس اہلکار ہر جگہ چیکنگ کرتے نظر آئے۔ انہوں نے تھیلے، ٹوکریاں، کھانے پینے کی اشیاء اور دیگر ضروری



سامان لے جانے والے ڈبوں کو بھی کھولا۔

انہوں نے بیت الخلا بھی چیک کیا۔

پورے چیکنگ آپریشن کی پولنگ حکام نے ویڈیو ریکارڈ کی تھی۔

انتخابی عہدیداروں نے ہفتہ کے روز ریاستی بی جے پی کے سربراہ اور مرکزی وزیر جی کشن ریڈی کی کار کی بھی جانچ کی تھی جب وہ ایک میٹنگ سے خطاب کرنے کے لئے کامریڈی جارہے تھے۔ ای سی کے عہدیداروں نے وزراء کے ٹی راما راؤ، اور محمود علی، بی جے پی لیڈر بنڈی سنجے کمار اور ایم آئی ایم کے صدر اسد الدین اویسی کی گاڑیوں کی بھی جانچ کی ہے۔