کیجریوال کی مقبولیت سے خوفزدہ ای ڈی کا استعمال کر رہی بی جے پی:اے اے پی

نئی دہلی ، 22 ستمبر (یو این آئی) عام آدمی پارٹی (اے اے پی) نے کہا ہے کہ بی جے پی پورے ملک میں اے اے پی کے بڑھتے ہوئے گراف اور وزیر اعلیٰ اروند کیجریوال کی بڑھتی ہوئی مقبولیت سے گھبرا گئی ہے اور ای ڈی سے نوٹس بھیجوا کر ہماری شبیہ کو خراب کرنے کی کوشش کر رہی ہے  انفورسمنٹ ڈائریکٹوریٹ (ای ڈی) کی جانب سے بھیجے گئے نوٹس پر عام آدمی پارٹی کے قومی سکریٹری آج ای ڈی کے سامنے پیش ہوئے۔ان کے ساتھ



موجود ’اے اے پی‘کے سینئر لیڈر راگھو چڈھا نے کہا کہ بی جے پی پورے ملک میں عام آدمی پارٹی(اے اے پی) کے بڑھتے ہوئے گراف اور اروند کیجریوال کی بڑھتی ہوئی مقبولیت سے گھبرائی ہوئی ہے ، جو ای ڈی کو ہمارے خلاف استعمال کررہی ہے۔ اتراکھنڈ ، پنجاب ، گجرات اور گوا میں ہونے والے اسمبلی انتخابات کے پیش نظر بی جے پی کی جانب سے اے اے پی کو ہراساں کرنے کے لیے ای ڈی بی جے پی کی سازش کےتحت یہ نوٹس بھیج رہی ہے۔