سیاسی جماعتوں سے بالاترہوکر تقسیم کئے جارہے ہیں ڈبل بیڈروم مکانات: ٹی سرنیواس یادو

ذرائع:

حیدرآباد : ریاستی وزیر افزائش و مویشی ٹی سرینواس یادو نے کہا کہ گھر کا مالک بننے کے خواب  پورا کرنے کا سہراصرف چیف منسٹر کے چندرا شیکھرراو کے سرجاتا ہے۔ انہوں نے کہا کہ تلنگانہ وہ واحد ریاست ہے جو تمام سہولیات کے ساتھ مفت ڈبل بیڈروم مکانات فراہم کررہی ہے۔ انہوں نے کہا کہ پارٹیوں سے بالاتر ہوکر مکانات تقسیم کئے جارہے ہیں۔ ریاستی وزیر سرینواس یادو نے میڑچل ضلع کوریمولا علاقے میں 720 استفادہ کنندگاں میں ڈبل بیڈروم مکانات کے دستاویزات



تقسیم کئے۔ بعد میں انہوں نے کہا کہ 10 ہزار کروڑ روپئے کی لاگت سے ایک لاکھ ڈبل بیڈروم مکانات تعمیر کیے گئے ہیں۔قبل ازیں سرنیواس یادو نے سکندرآباد کنٹونمنٹ حلقہ میں 200 استفادہ کنندگاں میں بی سی بندھو کے چیکس تقسیم کئے۔ انہوں نے کہا کہ کے چندراشیکھر راؤ وہ واحد چیف منسٹر ہیں جو بی سی بندھو دے رہے ہیں جو بی سی طبقے کے لوگوں کے ساتھ کھڑے ہیں۔ انہوں نے ان سے کہا کہ وہ کے سی آر حکومت کی حمایت کریں جو ہر طرح سے بی سی طبقے کے ساتھ کھڑی ہے۔اور استفادہ کرنے والوں کو مشورہ دیا جاتا ہے کہ وہ اس اسکیم سے فائدہ اٹھائیں۔