ڈی ایم کے نے پٹرول اور ڈیزل کی قیمتوں میں کمی کرنے کا وعدہ کیا

چنئی ، 13 مارچ (یواین آئی) تمل ناڈو میں حزب اختلاف کی جماعت دراوڑا منیترا کزگم (ڈی ایم کے) نے پارٹی کے اقتدار میں آنے کے بعد ریاست میں پٹرول ، ڈیزل اور ایل پی جی سلنڈر اور دودھ کی قیمتوں کو کم کرنے کے وعدوں کے ساتھ ہفتہ کو اپنا انتخابی منشور جاری کیا ہے۔

ڈی ایم کے نے منشور میں کمپنیوں میں ملازمت کے لئے تملوں کو 75 فیصد ریزرویشن دینے کا وعدہ کیا گیا ہے۔ اس نے اے اے اے ڈی ایم کے حکومت کے وزرا کے خلاف بدعنوانی کے الزامات کی سماعت کے لئے خصوصی عدالت کے قیام کا بھی وعدہ کیا ہے۔

ڈی ایم کے نے تمل ناڈو قانون ساز اسمبلی کی کارروائی کی براہ راست نشریات کا



بندوبست کرنے ، نیٹ کے خلاف قانون سازی اسمبلی کے پہلے سیشن میں قانون لانے ، سرکاری ملازمین کے لئے بڑھاپے اسکیم کی بحالی ، بجلی کے بل سائیکل کو ماہانہ بنانے اور طلباء کو اسکولوں میں مفت میں دودھ مہیا کرانے کا وعدہ کیا ہے۔

ڈی ایم کے صدر ایم کے اسٹالن نے ریاست میں ہونے والے 6 اپریل کو اسمبلی انتخابات کے پیش نظر پارٹی کا منشور جاری کیا اور اسے ڈی ایم کے کا 'دوسرا ہیرو' قرار دیا اور کہا کہ اس میں کئے گئے وعدوں کو پورا کرنے کے لئے ایک علیحدہ حکومت کا محکمہ قائم کیا جائے۔

انہوں نے نامہ نگاروں کو بتایا کہ "امیدواروں کی فہرست ہمارا پہلا ہے اور منشور دوسرا ہیرو ہے۔"