کیرالہ میں سیلاب سے مرنے والوں کی تعداد 113 ہوگئی، 29 افرادہنوز لاپتہ

ترواننت پورم، 16 اگست (ایجنسی) کیرالہ میں موسلادھار بارش، سیلاب اور لینڈ سلائڈنگ کی وجہ سے مرنے والوں کی تعدادبڑھ کر 113 ہو گئی ہے اور 8 اگست سے ریاست کے مختلف اضلاع میں 29 افراد ہنوز لاپتہ ہیں۔

سرکاری ذرائع نے بتایا کہ 41،253 کنبوں کے 1،29،517 لوگ مختلف اضلاع میں قائم 805 کیمپوں میں رہ رہے ہیں۔تاہم آبی سطح میں کمی آنے کے بعد بہت سے لوگ اپنے گھروں کو لوٹ گئے ہیں۔

ذرائع نے بتایا کہ ضلع



الپزامیں چھ، كوٹايم اور كاسرگوڈ اضلاع میں دو دو،ضلع اڈوككي میں پانچ،ضلع تری چور میں نو، ضلع ملاپورم میں 50، ضلع قاضی كوڈ میں 17، ضلع وائناڈ میں 12، ضلع پلكڑ میں ایک اور ضلع کنور میں نو افراد کی موت ہوئی ہے۔

ذرائع کے مطابق ضلع الپ پورم کے 29، ضلع وائناڈ کے سات اور كوٹايم ضلع کا ایک شخص اب بھی لاپتہ ہے. ریاست میں سیلاب کی وجہ سے 1،186 گھر مکمل طور پر تباہ ہو گئے ہیں اور 12،761 گھروں کو جزوی طور پر نقصان پہنچا ہے۔