راہل گاندھی کو دیکھنے آئے گی بھیڑ،لیکن کانگریس کوووٹ نہیں دےگی:بدرالدین اجمل

ذرائع:

گوہاٹی:اپنے بیانوں کولیکرسرخیوں میں رہنے والے آل انڈیایونائٹیڈ ڈیموکریٹک فرنٹ اے آئی یو ڈی ایف کے سربراہ بدرالدین اجمل نے کہاکہ کانگریس لیڈر راہل گاندھی بھارت نیائے یاترا شروع کرنے جارہے ہیں،لیکن لوگ کانگریس کو ووٹ نہیں دینگے۔بدرالدین نے کہاکہ راہل گاندھی نہروخاندان کے بیٹے ہیں۔جب وہ کہیں بھی جائینگےتولوگ وہاں اکٹھاہوجائینگےاورلوگ انہیں ہیرو کے طورپردیکھینگے۔لیکن لوگ نہ تو انہیں ووٹ دینگے اورنہ ہی کانگریس کو۔اور یہ کام نہیں کرینگے۔

بدرالدین اجمل جمعرات کوآسام کےبارپیٹاضلع کے باگھماراچار علاقے میں ایک جلسہ عام میں شرکت کرنے بعدمیڈیاسے بات کررہےتھے۔واضح رہے کہ راہل گاندھی 14جنوری کومنی



پورسے بھارت جوڑو نیائے یاتراکی شروعات کرنے جارہے ہیں۔

بدرالدین اجمل نے یہ بھی کہاکہ اس سے قبل راہل گاندھی نے ملک کے 50فیصدحصہ میں یاتراکرچکے ہیں،جوکہ ایک اچھی پہل تھی،لیکن کیا انہیں امید کے مطابق اس یاترا سے کچھ نتیجہ حاصل ہوا۔ 

انہوں نے ای ڈی کی جانب سے دہلی کے چیف منسٹر ارویند کیجریوال کو نوٹس دیئے جانے کےسوال کاجواب دیتے ہوئے کہاکہ مودی جی کےپاس دباو بنانے کیلئےکوئی نئی لائن نہیں ہے۔اور وہ کیجریوال اورجھارکھنڈ کےچیف منسٹرہیمنت سورین کوجیل میں ڈال دینگے۔

بدرالدین اجمل نے کہاکہ یہ انڈیااتحاد کیلئے خطرہ ہے۔اگرآپ لوگ خاموش نہیں بیٹھیبگےتو ہم ایک ایک کرکے سبھی کو ای ڈی کو سونپ دینگے۔وہ جتناممکن ہوسکے ڈرانے کی کوشش کرینگے۔