پھرایک بارکروناکی دہشت،احتیاطی اقدامات اختیار کرنے اوربھیڑ سے دوررہنے ماہرین کامشورہ(اعتماد)

ذرائع:

نئی دہلی:کورونا وباء کے بڑھتے کیسس سے ملک میں خوف کاماحول پایاجارہاہے۔ ملک میں ایک بار پھر کیسس بڑھ رہے ہیں۔ قومی دارالحکومت دہلی میں سات افراد میں کورونا وائرس کی تصدیق ہوئی ہے۔ محکمہ صحت نے دہلی کے ساتھ ساتھ ملک بھر میں کووڈ ویرینٹ جے این۔ون کے کیسس کو دیکھتے ہوئے چوکس رہنے کا مشورہ دیا ہے۔ وزارت صحت کی جانب سے جاری کردہ ڈیٹاکے مطابق حکومت کوویڈ کا سامنا کرنے کے لئے تیار ہیں۔ اسپتالوں میں 6,157 بستر ہیں۔اورسات افراد کو داخل کیا گیاہے۔ اسی طرح6150 بستر ابھی بھی خالی ہیں۔

محکمہ صحت کی طرف سے جاری کردہ



اعداد و شمار کے مطابق، قومی داراحکومت میں 20,14,448 کویڈ کیس رپورٹ ہوئے ہیں۔ دریں اثنا، کویڈ کیسس کی بڑھتی ہوئی تعداد کے پس منظر میں احتیاطی تدابیر اختیار کرنے کا مشورہ دیا گیا ہے۔ ماہرین صحت بھیڑ والے علاقوں میں ماسک پہننے کا مشورہ دے رہےہیں۔ ماہرین نے خبردار کیا ہے کہ کرسمس، جنوری اور نئے سال کی تقریبات کے ساتھ مزید کیسس بڑھنے کا امکان ہے۔ تقریباً سات ماہ بعد غازی آباد میں کوویڈ کا پہلا کیس سامنے آیا۔ پرائیویٹ لیب میں کوویڈ کا ٹیسٹ مثبت پایاگیا۔ ڈسٹرکٹ سرویلنس آفیسر آر کے گپتا نے کہا کہ لوگوں کو محتاط رہنا چاہئے کہ وہ بھیڑ والی جگہوں پر نہ جائیں۔