اقتدار میں آنے پر کانگریس آندھرا پردیش کو خصوصی درجہ دینے کیلئے تیار: ملکا ارجن کھڑ گے

نئی دہلی/7مارچ(ایجنسی) لوک سبھا میں کانگریسی فلور لیڈر ملکا ارجن کھڑگے نے کہاکہ کانگریس آئندہ انتخابات میں اقتدار پرآتی ہے توآندھراپردیش کوخصوصی موقف دینے کے لیے تیار ہے۔ کانگریس کی جانب سے آج نئی دہلی میں واقع پارلیمنٹ اسٹریٹ میں عزت نفس احتجاجی ریلی نکالی



گئی اور آندھراپردیش تنظیم نو بل میں کئے گئے تمام وعدوں پرعمل کامطالبہ کیاگیا۔ اس موقع پر کھرگے نے کہاکہ کانگریس پارلیمنٹ کے اندر اورباہر آندھراپردیش کے عوام کی حمایت کرے گی۔ انہو ں نے آندھراپردیش کے کانگریسی لیڈران اور کیڈرس کومشورہ دیاکہ فنڈس کے حصول اور بل میں دیئے گئے تیقنات کوپورا کیے جانے تک اپنا احتجاج جاری رکھیں۔