ٹی پی سی سی کےکارگذار صدراظہر الدین نے اجمیر شریف درگاہ کیلئے روانہ کی چادر

راست:

حیدرآباد:ٹی پی سی سی کے کارگذار صدر اورجوبلی ہلز حلقہ کے انچارج محمد اظہر الدین عنقریب عرس شریف کی مناسبت سے درگاہ حضرت خواجہ معین الدین چشتی غریب نوازرحمتہ اللہ علیہ کیلئے حیدرآبادکے گاندھی بھون سے چادر روانہ کی۔انہوں نے بتایا کہ ہرسال عرس شریف کے موقع درگاہ حضرت غریب نواز کو چادر روانہ کرتے ہیں۔

اظہرالدین نے گاندھی بھون میں تلنگانہ کانگریس امور کی انچارج دیپا داس منشی کے ساتھ اس پروگرام کا اہتمام



کیا۔ انہوں نے کہا کہ ہر سال اجمیر کو چادر چڑھانا ان کی روایت ہے۔ انہوں نے کہا کہ حالیہ انتخابات میں کانگریس پارٹی کے اقتدار میں آنے پردرگاہ اجمیر شریف کیلئے چادرروانہ کررہے ہیں۔کانگریس قائد نے کہا کہ انہوں نے دعامانگی ہےکہ اگلے پارلیمانی انتخابات میں سونیا کو مرکز میں اقتدارحاصل ہواورراہل گاندھی وزیراعظم بنے۔اس پروگرام میں کانگریس پارٹی کے یوتھ لیڈر محمد اسد الدین، ٹی پی سی سی جنرل سکریٹری سید عبدالفہیم اور کئی کانگریسی لیڈروں نے شرکت کی۔