مہاراشٹر کے ناندیڑ میونسپل انتخابات میں کانگریس کی بڑی کامیابی

ناندیڑ/12اکتوبر(ایجنسی) مہاراشٹر میں ناندیڑ میونسپل انتخابات کے نتائج آگئے ہیں. جمعرات کو 10 بجے ووٹنگ کی گنتی شروع ہوئی.میونسپل کارپوریشن کی 81 سیٹوں پر 11 اکتوبر (بدھ) کو ووٹنگ میں قریب 60فیصدی لوگوں نے اپنے ووٹ کا استعمال کیا. کانگریس پارٹی نے 70 نشستیں، بی جے پی 5، شیو سینا 3 اور آزاد امیدواروں کی جھولی میں 3 نشست گئی. سابق وزیراعلیٰ اور ایم پی سی سی کے صدر اشوک چوان کے آبائی وطن میں شاندار کامیابی کے بعد مبارکباد کا سلسلہ جاری ہے۔جہاں سے وہ کانگریس کے واحد ایم پی



ہیں۔

سال 2012 میں منعقد انتخابات میں، کانگریس نے 81 نشستوں میں سے 41 سیٹیں جیتی تھی جبکہ شیوسینا نے 12 نشستیں حاصل کی تھیں. وہیں ایم آئی ایم پارٹی (حیدرآباد) نے 11 نشستوں پر قبضہ کیا تھا. بی جے پی کو صرف دو نشستیں ملی تھی.