چیف سکریٹری نے تلنگانہ میں موسلادھار بارش سے قبل تیاریوں کا جائزہ لیا

حیدرآباد: محکمہ موسمیات کے چند اضلاع میں موسلادھار بارش کی پیش گوئی کے ساتھ، چیف سکریٹری اے سانتھی کماری نے عہدیداروں کو ہدایت دی کہ وہ اس بات کو یقینی بنانے کے لیے اقدامات شروع کریں کہ کوئی انسانی نقصان نہ ہو اور املاک کو کم سے کم نقصان پہنچایا جائے۔

ضلع کلکٹرس کو کلکٹریٹ اور منڈلوں میں کنٹرول روم قائم کرنے کی ہدایت دی گئی۔

چیف سکریٹری نے منگل کو بھدرادری کوتا گوڈیم، جنگاؤں، کاماریڈی، کریم نگر، کھمم، محبوب آباد، ملوگو، پیدا پلی، سدی پیٹ، ورنگل اور ہنما کونڈہ اضلاع کے سینئر عہدیداروں اور کلکٹروں کے ساتھ ٹیلی کانفرنس کی اور انہیں زیادہ بارش کے خطرے کے پیش نظر خبردار کیا۔ 

چیف



سکریٹری نے عہدیداروں کو نشیبی علاقوں کی نشاندہی کرنے اور تمام ضروری احتیاطی اقدامات کرنے کی ہدایت دی۔

چیف سکریٹری نے کہا کہ ریونیو، پولیس، آبپاشی، پنچایت راج، بجلی، آر اینڈ بی محکموں کو قریبی تال میل میں کام کرنا چاہئے اور تمام احتیاطی اقدامات کرنے چاہئیں اور اس بات کو یقینی بنانا چاہئے کہ کوئی ناخوشگوار واقعہ رونما نہ ہو۔

ڈیزاسٹر مینجمنٹ کے سکریٹری راہل بوجا نے بتایا کہ نشیبی علاقوں، کمزور کاز ویز اور پلوں کی پہلے ہی نشاندہی کی جا چکی ہے۔ جبکہ ڈی جی فائر سرویس ناگی ریڈی نے بتایا کہ فائر ڈپارٹمنٹ نے پہلے ہی اپنے تمام ضلعی دفاتر میں ضروری سامان رکھ دیا ہے۔ انہوں نے مزید کہا کہ محکمہ بھی ہائی الرٹ پر ہے اور ہنگامی صورت حال میں اضلاع کو مدد فراہم کرنے کے لیے تیار ہے۔