چیف منسٹرسدارامیانے بنگلورو میں رامیشورم کیفے کادورہ کیا، اسپتال پہنچ کردھماکہ میں زخمی افراد سے ملاقات کی

ذرائع: 

بنگلورو: پولیس کی جانب سے بنگلوروکے رامیشورم کیفے دھماکہ کیس کی تحقیقات میں تیزی لائی گئی ہے، جبکہ چیف منسٹرسدارامیا نے اسپتال پہنچ کرواقعے میں زخمیوں کی خیریت دریافت کی ہے۔ چیف منسٹر نے ایچ اے ایل کے بروک فیلڈ اسپتال کا دورہ کیا اور ڈاکٹروں سے زخمیوں کی صحت کے تعلق سے جانکاری حاصل کی۔بروک فیلڈاسپتال میں فاروق، دیپانشو، سوارنمبھانامی زخمی زیر علاج ہیں۔ سورنمبھا جو کہ بری طرح سے زخمی ہوئے



تھے، کی کل رات پلاسٹک سرجری ہوئی اور آئی سی یو میں اس کا علاج کیا جا رہا ہے۔ پانچ ڈاکٹروں کی ٹیم علاج کر رہی ہے۔ بروک فیلڈ اسپتال کے ڈاکٹروں  نے چیف منسٹر کو تفصیلات سے واقف کرایا۔ انہوں نے ویدیہی اسپتال کا بھی دورہ کیا۔چیف منسٹر سدارامیا نے رامیشورم کیفے کا دورہ کیا اور جائے وقوع کا معائنہ کیا۔اس موقع پرچیف منسٹرنے کہاکہ پولیس تمام زاویوں سے تفتیش کر رہی ہے۔ انہوں نے یقین ظاہر کیا کہ ملزمین کو جلد از جلد گرفتار کر لیا جائے گا۔