چیف منسٹر ریونت ریڈی جلد 1ہزار الیکٹرک بسوں کا آغاز کرینگے :پونم پربھاکر

ذرائع

حیدرآباد :ریاستی وزیر ٹرانسپورٹ پونم پربھاکر نےحیدرآباد شہر کے این ٹی آر مارگ پر واقع امبیڈکر مجسمہ پر 80 نئی بسوں کو ہری جھنڈی دکھاکر آغاز کیا۔ اس موقع پر بات کرتے ہوئے پونم پربھاکر نے کہا کہ چیف منسٹر ریونت ریڈی کی قیادت میں خواتین کو مفت بس سفر فراہم کرنے کا تاریخ سام فیصلہ لیا گیا ہے۔ انہوں نے کہا کہ اب تک 6 کروڑ خواتین مہالکشمی اسکیم کے ذریعے سفر کر چکی ہیں۔ انہوں نے واضح کیا کہ ان کی حکومت کا اولین مقصد آر ٹی سی ادارے اور کارکنوں کی فلاح و بہبود کا تحفظ ہے۔ریاستی وزیر نے کہاکہ اسمبلی انتخابات کے دوران چھ ضمانتوں کے تعلق سے کئے گئے وعدوں کو ہر صورت میں پورا کیا جائے



گا۔پونم پربھاکر نے کہاکہ مرحلہ واری طورپر پر سبھی بقایہ جات کو ادا کیاجائے گا ۔ انہوں نے کہا کہ 100 فیصدآکیو پنسی پار کرچکی ہے۔اور آنے والے دنوں میں مسافروں کو بہتر خدمات فراہم کی جائیں گی۔ریاستی وزیر نے کہا کہ آر ٹی سی بس اسٹانڈس میں خواتین کے تحفظ اور امن واماں کی برقراری کے لئے ہر ممکنہ اقدامات کئے جائیں گے۔ وزیر پونم پربھاکر نے انکشاف کیا کہ وہ آر ٹی سی کے نقصانات کو ختم کرنے کے لئے پہل کریں گے۔اورجلد ہی چیف منسٹر ریونت ریڈی 1000 الیکٹرک بسوں کا آغاز کرینگے۔اس پروگرام میں جی ایچ ایم سی کی میئر گدوال وجے لکشمی، ٹی ایس آر ٹی سی کے ایم ڈی سجنار، سی پی سرینواس ریڈی، آر ٹی سی اور محکمہ ٹرانسپورٹ کے افسران نے شرکت کی۔