چدمبرم نے بدعنوانی پرامیت شاہ کو سخت جواب دیا

نئی دہلی، 18 دسمبر (یو این آئی) سابق مرکزی وزیر اور کانگریس کے سینئر لیڈر پی چدمبرم نے کہا ہے کہ مرکزی وزیر داخلہ امیت شاہ کا یہ دعویٰ کہ بھارتیہ جنتا پارٹی کی حکومت میں کوئی بدعنوانی نہیں ہے، بے بنیاد ہے اور انہیں سمجھنا چاہئے کہ ان کے دور حکومت میں ہر اسکیم بدعنوانی میں اضافہ کرنے والی ہے۔

مسٹر چدمبرم نے بتایا کہ چاہے وہ نوٹ بندی کی اسکیم ہو یا مودی حکومت کے دور میں انتخابی بانڈ اسکیم، سب بدعنوانی کو فروغ دے رہے ہیں۔ ان اسکیموں



کے ذریعے بدعنوانوں کو کالے دھن کو سفید میں تبدیل کرنے کی سہولت فراہم کی گئی ہے۔

انہوں نے بتایاکہ ’’وزیر داخلہ کہتے ہیں کہ گزشتہ سات برسوں میں حکومت پر بدعنوانی کا کوئی الزام نہیں لگا۔ نوٹ بندی کچھ لوگوں کو قانونی طور پر کالے دھن کو سفید دھن میں تبدیل کرنے کی اجازت دینے کی اسکیم تھی۔ الیکٹورل بانڈز نے رشوت ستانی کو قانونی تحفظ فراہم کیا اور 95 فیصد فنڈز کارپوریٹس نے بی جے پی کو عطیہ کیے۔ فرانس میں رافیل سودے میں بدعنوانی کی تحقیقات جاری ہیں۔