چنڈی گڑھ کے میئرنے دیااستعفی، عام آدمی پارٹی کے تین کونسلر بی جے پی میں شامل

ذرائع:

چنڈی گڑھ:چنڈی گڑھ کے نئے میئر منوج سونکر نے اپنے عہدے سے استعفیٰ دے دیا ہے۔ عام آدمی پارٹی اور کانگریس نے بی جے پی پر اپنے میئر کی تقرری میں دھوکہ دہی کا الزام لگایا تھا۔ انہوں نے سپریم کورٹ میں پیر کی سماعت سے قبل استعفیٰ دے دیا ہے۔ پنجاب بی جے پی کے صدر جتیندر ملہوترا نے اس کی تصدیق کی۔دوسری جانب چنڈی گڑھ میں، عام آدمی پارٹی کے تین کونسلر، پونم دیوی، نیہا مساوت اور گروچرن کلا بی جے پی میں شامل ہو گئے ہیں۔

پنجاب کے میئر انتخابات میں مبینہ دھاندلی کے الزامات پر عام آدمی پارٹی اور کانگریس مشترکہ طور پر سپریم کورٹ پہنچی تھی اور نئے میئر کے کام کاج پر پابندی کے ساتھ



انتخابی عمل پر روک لگانے اور تمام انتخابی دستاویزات کو سیل کرنے کا مطالبہ کیا تھا۔ سپریم کورٹ نے اپنی پہلی سماعت میں میئر کے کام کاج پر پابندی لگانے کے ساتھ ساتھ پورے انتخابی عمل پر پابندی لگا دی تھی اور بیلٹ پیپرز کو سیل کرنے کے احکامات جاری کئے تھے۔

چیف جسٹس نے میئر انتخابات میں ریٹرننگ افسر انیل مسیح کی سخت سرزنش کی۔ چیف جسٹس ڈی وائی چندرچوڑ نے یہاں تک کہہ دیا تھا کہ ریٹرننگ افسر کے خلاف مقدمہ چلایا جانا چاہیے۔ انہوں نے جمہوریت کا قتل جیسے سخت تبصرے بھی کئے۔ انیل مسیح بی جے پی اقلیتی سیل کے جنرل سکریٹری تھے اور ان کی نگرانی میں چنڈی گڑھ میں میئر کے انتخابات ہوئے جس میں انہیں پریذائیڈنگ آفیسر بنایا گیا تھا۔