کیرلا دھماکہ معاملہ،کانگریس کی خاموشی معنی خیز:انوراگ سبگھ ٹھاکر

بلاسپور: کیرلا کے ارناکولم ضلع کے کالامسری میں اتوار کی صبح عیسائیوں کے ایک مذہبی اجتماع میں بم دھماکے میں دو خواتین ہلاک اور 51 افراد زخمی ہو گئے۔ زخمیوں میں سے پانچ کی حالت تشویشناک بتائی جاتی ہے۔ اب مرکزی وزیر انوراگ ٹھاکر نے اس معاملے کو لے کر کانگریس کو نشانہ بنایا ہے۔

مرکزی وزیر انوراگ ٹھاکر نے کہا- میں کیرلا میں بم دھماکے کے واقعہ کی مذمت کرتا ہوں، لیکن صرف چند دن پہلے کانگریس دہشت گرد تنظیم حماس کی حمایت کر رہی تھی۔ ایک آن لائن پروگرام منعقد ہوتاہے جس میں ہزاروں لوگ



جمع ہوتے ہیں اور وہاں کی حکومت کوئی کارروائی نہیں کرتی۔

انوراگ ٹھاکر نے کہا کہ راہل گاندھی سے لے کر ششی تھرور یا کانگریس صدر تک سبھی نے اس بات پر سوال نہیں اٹھایا۔ انہوں نے خاموشی سے اس کی حمایت کی۔ ان دہشت گرد تنظیموں کی ہندوستان میں اس طرح موجودگی اور راہول گاندھی کا کچھ نہ کہنا صاف ظاہر کرتا ہے کہ کانگریس خاموشی سے ان کی حمایت کر رہی ہے۔

مرکزی وزیر نے کہا کہ یہ کون لوگ ہیں جو باہر سے یہاں افراتفری پھیلانا چاہتے ہیں؟ کانگریس اور کمیونسٹ پارٹی خاموشی سے ان کی حمایت کر رہے ہیں اور ان کے خلاف کوئی کارروائی نہیں کر رہے ہیں۔