حکومت ہند نے سیمی کو غیر قانونی قرار دیتے ہوئے تنظیم پرمزید پانچ سال کے لئے پابندی عائد کر دی

ذرائع:

نئی دہلی:حکومت ہند نے اسٹوڈنٹس اسلامک موومنٹ آف انڈیا کے خلاف سخت کارروائی کی ہے۔ وزارت داخلہ نے آج اس تنظیم پر پابندی کو یواے پی اے کے تحت مزید پانچ سال کی مدت کے لئے غیر قانونی تنظیم قرار دیا ہے۔واضح رہے کہ یہ ایک کالعدم تنظیم ہے۔

کچھ دن پہلے مرکزی حکومت نے سپریم کورٹ میں کہا تھا کہ یہ تنظیم ملک میں



اسلامی جہاد پھیلانے کے عمل میں ملوث ہے۔یہ تنظیم 25 اپریل 1977 کواترپردیش کے علی گڑھ میں قائم ہوئی تھی۔

واضح رہے کہ 2001 میں پہلی بار سیمی پر دہشت گردانہ سرگرمیوں میں ملوث ہونے کے الزام میں پابندی لگائی گئی تھی۔ اس کے بعد 2008 میں اس تنظیم پر سے کچھ دنوں کے لئے پابندی ہٹا دی گئی۔ تاہم قومی سلامتی کے پیش نظر اسی سال تنظیم پر دوبارہ پابندی عائد کر دی گئی تھی۔