سی اے جی کی رپورٹ عام کی جائے، پی اے سی اس کی تحقیقات کرے: کانگریس

نئی دہلی، 26 فروری (یو این آئی) کانگریس نے دہلی کی ایکسائز پالیسی پر کمپٹرولر اینڈ آڈیٹر جنرل (سی اے جی) کی رپورٹ کو اسمبلی میں پیش کرنے کا خیرمقدم کیا ہے، لیکن کہا ہے کہ اسے پبلک اکاؤنٹس کمیٹی (پی اے سی) کے ذریعہ عام کیا جانا چاہئے اور اس کی جانچ ہونی چاہئے کانگریس کے صدر دیویندر یادو اور سینئر



لیڈر سندیپ دیکشٹ نے آج پارٹی ہیڈکوارٹر میں ایک پریس کانفرنس میں کہا کہ حکومت نے سی اے جی کی 14 رپورٹوں میں سے صرف ایک کو اسمبلی میں پیش کیا ہے اور اس سے واضح ہوتا ہے کہ بھارتیہ جنتا پارٹی (بی جے پی) شراب پالیسی گھوٹالے میں ملوث ہے، اس لیے رپورٹ کو عام کیا جانا چاہیے اور اس گھوٹالے کو سب کے سامنے لایا جانا چاہیے۔