بوسٹرڈوز کا کنفیوژن دور ہونا ضروری : چدمبرم

نئی دہلی، 27 دسمبر (یو این آئی) کانگریس کے سینئر لیڈر اور سابق مرکزی وزیر پی چدمبرم نے کہا ہے کہ ہمارے یہاں کورونا وبا سے نمٹنے کے لیے بوسٹر ڈوز کون سا ہے ہوگا ، اس حوالے سے پیدا کنفیوژن کو دور کرنے کی ضرورت ہے مسٹر چدمبرم کا یہ بیان ملک میں بڑھ رہے کورونا کے کیسز کے درمیان وزیر اعظم نریندر مودی کا 3 جنوری سے ملک کے بزرگ شہریوں کو کورونا سے بچانے کے لیے بوسٹر ڈوز لگانے کے اعلان کے بعد سامنے آیا ہے ۔

انہوں نے کہا کہ اس کنفیوژن کو دور کیا جائے کہ کووشیلڈ کا یہ ٹیکہ الگ ٹیکہ ہوگا یا بوسٹر



ڈوز ہوگا۔

سینئر کانگریس لیڈر نے کہا ’’ بوسٹرڈوز کی تجویز الجھن میں ہے۔ کووشیلڈ کا کون سا ٹیکہ بوسٹر ڈوز ہو گا ،امید ہے کہ یہ کووشیلڈ کی ایک اور خوراک نہیں ہو گی ‘‘۔

انہوں نے کہا کہ اس سچ سے رو برو ہونا بھی ضروری ہے ، خواہ حکومت اس سچ کو سامنے لانے کو تیار نہیں ہے ۔ یہ یقینی ہے کہ 31 دسمبر تک تمام 94 کروڑ بالغ افراد کو ویکسینیشن کی پہلی خوراک نہیں ملے گی اور اس طرح سے ملک صد فیصد کووڈ ٹیکہ کاری حاصل نہیں کرسکے گا اور ملک کی ایک بڑی آبادی کو اس سال کے اواخر تک ویکسینیشن کی دوسری خوراک نہیں مل سکے گی ۔