بلقیس بانو نے سپریم کورٹ میں گیارہ مجرموں کی رہائی کو چیلنج کیا

ذرائع:

بلقیس بانو نے چہارشنبہ 30 نومبر کو سپریم کورٹ میں درخواست دائر کرتے ہوئے 2002 کے عصمت دری اور قتل کیس کے مجرموں کی سزا میں معافی اور رہائی کو چیلنج کیا۔ سپریم کورٹ نے کہا کہ وہ اس معاملے کو سماعت کے لیے درج کرنے پر غور کرے گی۔ لائیو لا کے مطابق، بلقیس بانو نے سپریم کورٹ کے



سابقہ حکم کو چیلنج کرتے ہوئے ایک نظرثانی کی درخواست بھی دائر کی جس میں گجرات حکومت کو مجرموں کی معافی کا فیصلہ کرنے کی اجازت دی گئی۔ چیف جسٹس ڈی وائی چندرچوڑ اور جسٹس پی ایس نرسمہا پر مشتمل بنچ نے وکیل شوبھا گپتا کی عرضیوں کا نوٹس لیا کہ متاثرہ نے خود معافی اور مجرموں کی رہائی کو چیلنج کیا ہے اور اس معاملے کو سماعت کے لیے درج کیا جائے۔