سپریم کورٹ نے ایک اہم فیصلہ سناتے ہوئے گجرات فسادات کی متاثرہ بلقیس بانو کے اجتماعی عصمت ریزی کے ملزمین کی رہائی کو مسترد کر دیا

ذرائع

نئی دہلی:سپریم کورٹ نے پیر کو عدالت کھلنے کے ساتھ ہی ایک اہم فیصلہ سناتے ہوئے گجرات فسادات کی متاثرہ بلقیس بانو کے اجتماعی عصمت ریزی کے ملزمین کی رہائی کو مسترد کر دیا ہے۔ اس معاملے میں، مجرموں کو گجرات حکومت نے ان کی سزا میں کمی کر کے رہا کر دیا تھا۔آئے جانتے ہیں کہ یہ کیا معاملہ تھا جس نے پورے ملک میں ہلچل مچا دی۔

واضح رہےکہ گجرات میں سال 2002 میں فسادات ہوئے تھے۔ پھر نہ صرف بلقیس بانو کے ساتھ اجتماعی زیادتی کی گئی بلکہ ان کے خاندان کے سات افراد کو بھی ان کی آنکھوں کے سامنے قتل کر دیا گیا۔ اس کے بعد مجرموں کو عمر قید کی سزا سنائی گئی۔ ممبئی کی ایک خصوصی سی بی آئی عدالت نے 2008 میں اس معاملے میں 11 مجرموں کو عمر قید کی سزا سنائی تھی۔ پھر ممبئی ہائی کورٹ نے بھی اس سزا کو منظور کر لیا۔

گجرات حکومت نے 2022 میں یوم آزادی کے موقع پر عمر قید کی سزا پانے والے تمام 11 مجرموں کو رہا کر دیا تھا۔ یہ رہائی گجرات حکومت کی ایمنسٹی پالیسی کے تحت کی گئی تھی۔ جسونت نائی، گووند نائی، شیلیش بھٹ، رادھیشیام شاہ، وپن چندر



جوشی، کیشر بھائی ووہانیہ، پردیپ موڈھواڈیا، بکا بھائی ووہنیا، راجو بھائی سونی، متیش بھٹ اور رمیش چندنا کو گودھرا سب جیل سے رہا کیا گیا، جس سےملک میں ایک تنازعہ پیداہوگیاتھا۔ اس سلسلے میں مختلف مقامات پر مظاہرے ہوئے۔

دراصل عمر قید کی سزا پانے والے قیدی کو کم از کم 14 سال جیل میں گزارنے پڑتے ہیں۔ اس فائل کا 14 سال بعد دوبارہ جائزہ لیا جاتا ہے۔ عمر، جرم کی نوعیت، جیل میں رویے وغیرہ کی بنیاد پر سزا میں کمی کی جا سکتی ہے۔ بعض اوقات قیدی کو رہا کر دیا جاتا ہے۔ کئی بار ایسا نہیں ہوتا۔ کئی بار قیدی کو شدید بیمار ہونے کی بنیاد پر چھوڑ دیا جاتا ہے۔ تاہم اس شق کے تحت معمولی جرائم میں ملوث قیدیوں کو رہا کر دیا جاتا ہے۔ سنگین معاملات میں ایسا نہیں ہوتا۔

27 فروری 2002 کو گودھرا کے قریب 'کار سیوکوں' سے لدی سابرمتی ایکسپریس کے کچھ ڈبوں کو آگ لگا دی گئی۔ اس میں 59 لوگوں کی موت ہو گئی۔ اس کے جواب میں گجرات میں فسادات پھوٹ پڑے۔ فسادیوں سے بچنے کے لئے بلقیس بانو اپنی ساڑھے تین سالہ بیٹی صالحہ اور 15 افراد کے ساتھ گاؤں سے بھاگ گئی، وہ اس وقت 5 ماہ کی حاملہ بھی تھیں۔