#WATCH Two aircraft of the Surya Kiran Aerobatics Team crash at the Yelahanka airbase in Bengaluru, during rehearsal for #AeroIndia2019. More details awaited.
ای پیپر
انگلش ویکلی
خصوصی
زیادہ دیکھے گئے
اوپینین پول
جھارکھنڈ اسمبلی انتخابات 2024 میں کون سی سیاسی پارٹی جیتے گی؟
ایئر انڈیا شو سے پہلے بنگلور میں 2 سوریہ کرن ایئرکرافٹ حادثے کا شکار" ایک پائلٹ کی موت
Tue 19 Feb 2019, 19:14:37
بنگلور/19فروری(ایجنسی) ایئر انڈیا شو سے عین قبل فضائیہ کو آج اس وقت ایک بڑے حادثے کا سامنا کرنا پڑا جب اس کے دو ہاک طیارے ہوا میں آپس میں ٹکرا گئے جس سے ان میں سوار تین پائلٹوں میں سے ایک کی موت ہوگئی جبکہ دو دیگر زخمی ہو گئے۔
فضائیہ کے ترجمان نے بتایا کہ سوریہ کرن ڈسپلے ٹیم کے یہ طیارے بدھ سے شروع ہونے والے ایئر انڈیا شو کے لئے ریہرسل کررہے تھے۔ یہ حادثہ صبح تقریباً گیارہ بج کر پچاس منٹ پر ہوا۔ انہوں نے کہا کہ حادثے میں ایک پائلٹ کی موت ہوگئی،جبکہ دو پائلٹوں کوکمان اسپتال میں داخل کرایا گیا ہے۔ جائے وقوع پر حادثے میں ہوئے نقصان کا جائزہ لیا جارہا ہے۔حادثے کی جانچ کےلئے کورٹ آف انکوائری تشکیل دی گئی ہے۔
ذرائع نے بتایا کہ دونوں طیارے لینڈ کرنے کی کوشش کررہے تھے،تبھی ایک طیارے کا ایک بازو دوسرے طیارے سے ٹکرا گیا۔ ٹکر ہوتے ہی دونوں طیاروں میں آگ لگ گئی اور وہ زمین پر گر پڑے۔ زمین پر گرتے ہی طیاروں میں دھماکہ ہوگیا۔ ان کی زد میں آکر ایک مکان میں بھی آگ لگ گئی۔ یہ دونوں ہاک طیارے فضائیہ کی سوریہ کرن ڈسپلے ٹیم کا حصہ تھے۔یہ ٹیم آسمان میں ہوائی کرتب دکھانے کےلئے دنیا بھر میں مشہور ہے۔
عینی شاہدین نے بتایا کہ پائلٹوں کو طیاروں سے پیراشوٹ کے سہارے نکلتے اور زمین پر گرتے ہوئے دیکھا گیا۔ ایک پائلٹ کو چوٹیں آئی ہیں اور اسے اسپتال میں داخل کرایا گیا ہے۔
چار دن چلنے والے ایرانڈیا شو کا یہ بارہواں ایڈیشن ہے۔ وزیر دفاع نرملا سیتارمن اس کا افتتاح کریں گی اور وہ اس کےلئے بینگلورو پہنچ چکی ہیں۔
اس پوسٹ کے لئے کوئی تبصرہ نہیں ہے.
خصوصی میں زیادہ دیکھے گئے
Indian Rupee Converter