اظہر الدین کے فرزند محمد اسدالدین سرگرم سیاست میں لینگے حصہ

حیدرآباد:سابق کرکٹر اور سابق رکن پارلیمنٹ محمداظہرالدین کے فرزند محمد اسدالدین سرگرم سیاست میں حصہ لینےجارہےہیں۔ کانگریس پارٹی کے کارکنوں نے اس کی تصدیق کی ہے۔ واضح رہے کہ اظہرالدین نے حال ہی میں ہونےوالے تلنگانہ اسمبلی انتخابات میں جوبلی ہلز اسمبلی حلقہ سے مقابلہ کیا تھا۔ اظہرالدین اس سے قبل اترپردیش اور راجستھان کی ریاستوں میں پارلیمانی الیکشن لڑ چکے ہیں اور ملک بھر میں شہرت حاصل کر چکے ہیں۔ اس وقت وہ کانگریس پارٹی کی جانب سے جوبلی ہلز اسمبلی کے انچارج کے طور پر کام کر رہے ہیں۔ ایک طرف، ان کے والد شہر میں کانگریس پارٹی کو مضبوط کرنے کے لئے کام کر رہے ہیں... دوسری طرف، وہ اپنے فرزند اورسابق رنجی کرکٹ کھلاڑی محمد اسد الدین کو کانگریس پارٹی کے تحت سرگرم سیاست میں حصہ لینے کے بارے سوچ رہے ہیں۔ اسی کے تحت وہ آئندہ پارلیمانی انتخابات میں کانگریس کی مددکرنے کے لئے تیار ہو رہے ہیں۔ وہ گریٹر حلقہ میں مختلف پروگراموں میں حصہ لے



کر نوجوان ووٹروں کو راغب کرنے کی پوری کوشش کر رہے ہیں۔ پہلے ہی کئی سینئر لیڈر اپنے بیٹوں کو سیاست میں سرگرم کرنے کی کوشش کر رہے ہیں۔ سکندرآباد کے سابق رکن پارلیمنٹ انجن کمار یادو اپنےفرزند کی سیاست میں حوصلہ افزائی کر رہے ہیں۔ اس کے علاوہ مینم پلی ہنومنت راؤ نے حال ہی میں ہونےوالے اسمبلی انتخابات میں میدک اسمبلی حلقہ سے اپنے بیٹے کی جیت کویقینی بنایاتھا۔ بہت سے سینئرز آنے والے مستقبل کو مدنظر رکھتے ہوئے اپنے جانشینوں کو براہ راست سیاست میں لا رہے ہیں اور انہیں فعال بنا رہے ہیں۔ اب یہ خبریں گشت کررہی ہیں کہ اظہر الدین بھی اپنے بیٹے کو جلد از جلد سیاست میں لانا چاہتے ہیں۔ اس لئے وہ سب سے پہلے پارٹی میں فعال طور پر خدمات انجام دینے کے لئے سکندرآباد، حیدرآباد، ملکاجگری اور چیویلہ پارلیمنٹ کا وسیع دورہ کرنے کا منصوبہ بنا رہے ہیں۔ نوجوان لیڈر محمد اسدالدین جیسے ہی اپنے والد کے ساتھ متعلقہ پارلیمانی حلقوں کے امیدواروں کی مدد کے لیے تیار ہو رہے ہیں، کانگریس کی صفوں اور اظہر الدین کے چاہنے والوں میں خوشی کا اظہار کیا جا رہا ہے۔